ବରୁଆଁ -ବାଲିଚନ୍ଦ୍ରପୁର ରାସ୍ତା ପାଲଟିଛି ମରଣଜନ୍ତା,ଦିନ କୁ ଦିନ ବଢୁଛି ଦୁର୍ଘଟଣା।।
ଯାଜପୁର ।୧୯/୧୧ ପୂର୍ତ୍ତ ବିଭାଗ ଅଧିନରେ ଥିବା ବରୁଆଁ ବାଲିଚନ୍ଦ୍ର ପୁର ୨୨ କିଲୋମିଟର ରାସ୍ତାରେ ଖାଲଖମା ସୃଷ୍ଟି ହୋଇ ମରଣଜନ୍ତା ପାଲଟିଛି । ଫଳରେ ଦିନକୁ ଦିନ ଦୁର୍ଘଟଣା ଘଟି ବହୁ ଧନଜୀବନ ହାନି ହେଉଥିବା ଜଣାପଡିଛି । ଏହି ରାସ୍ତା ଉପରେ ୪ ଗୋଟି ନିର୍ବାଚନ ମଣ୍ଡଳୀ ଯଥା ଯାଜପୁର, ବରି,ଧର୍ମଶାଳା ଓ ବଡଚଣା ର ପ୍ରାୟ ୨୦ ଗୋଟି ପଞ୍ଚାୟତର ଲକ୍ଷାଧିକ ଲୋକ ନିର୍ଭରଶୀଳ। କିନ୍ତୁ ବଡ ଦୁଃଖ ଓ ପରିତାପର ବିଷୟ ସତେ ଯେମିତି ଏହି ରାସ୍ତା ପ୍ରତି କାହାର ନଜର ନାହିଁ। ୨୦ ନମ୍ବର ରାଜପଥ କୁ ସଂଯୋଗ କରୁଥିବା ଏହି ରାସ୍ତା ଓଡ଼ିଶାର ପର୍ଯ୍ୟଟନ ମାନଚିତ୍ରରେ ସ୍ଵତନ୍ତ୍ର ଭାବେ ସ୍ଥାନ ପାଇଥିବା ରତ୍ନଗିରି, ଉଦୟଗିରି,ଲଳିତ ଗିରି ଓ ସନ୍ଥ ଅରକ୍ଷିତ ଦାସଙ୍କ ସମାଧି ସ୍ଥଳ ଓଳାଶୁଣି ଗୁମ୍ଫା ଅବସ୍ଥିତ । ଆଗକୁ ଆସୁଛି ନୂଆବର୍ଷ ଏଥିପାଇଁ ପର୍ଯ୍ୟଟନ ସ୍ଥଳୀକୁ ଦୈନନ୍ଦିନ ହଜାର ହଜାର ସଂଖ୍ୟାରେ ପର୍ଯ୍ୟଟକ ଗାଡ଼ି ମଟର ଯୋଗେ ଏହି ରାସ୍ତା ଦେଇ ଯାତାୟତ କରିବେ । ଏହି ରାସ୍ତାର ପିଚୁ ଉଠି ଯିବାଯୋଗୁ ସମ୍ପୂର୍ଣ୍ଣ ରାସ୍ତାରେ ଖାଲ ଖମା ଓ ଏକାଧିକ ସ୍ଥାନରେ ୩ ଫୁଟରୁ ୫ ଫୁଟ ଯାଏ ବଡ଼ ବଡ଼ ଗର୍ତ୍ତ ମାନ ସୃଷ୍ଟି ହୋଇଛି ଯାହାକି କିଛି ଦୂରରୁ ଏହି ଗର୍ତ୍ତ ଜଣାପଡୁନାହିଁ । ଏଣୁ ପୂର୍ତ୍ତବିଭାଗର ଅଧିକାରୀ ତୁରନ୍ତ ଏହି ରାସ୍ତାର ଅବସ୍ଥା ନିରୀକ୍ଷଣ କରି ସ୍ଥାୟୀ ଭାବେ ମରାମତି କରି ଦୁର୍ଘଟଣା ଏଡାଇବାକୁ ସାଧାରଣରେ ଦାବି ହେଉଛି।।
